Airgead ar fáil faoi choinne gníomhaíochtaí i nGaeilge

Tá scéim úr ag Foras na Gaeilge le hairgead a chur ar fáil do ghrúpaí a eagraíonn cláir ghníomhaíochtaí do dhaoine fásta.

Is é is aidhm leis an scéim ‘Grúpaí le Gaeilge’ deiseanna a mhéadú don phobal úsáid a bhaint as an Ghaeilge mar theanga shóisialta agus phobail.

Grúpaí le Gaeilge 2018

Ní thabharfar maoiniú faoi choinne ranganna Gaeilge ach measfar iarratais ó choistí pobail le gníomhaíochtaí éagsúla sainspéise a reáchtáil, bíodh spórt, na healaíona nó eile i gceist.

“Tá sé mar aidhm againn tacú le grúpaí a théann i mbun gníomhaíochtaí éagsúla, bíodh sin trí ióga, gníomhaíochtaí spóirt nó club leabhar,” arsa Seán Ó Coinn, Príomhfheidhmeannach an Fhorais.

Tá an scéim oscailte do ghrúpaí ar fud na hÉireann, cinn nuabhunaithe agus iad siúd atá ar an fhód le tamall araon.

Den chéad uair riamh beidh Foras na Gaeilge ag glacadh le hiarratais ón phobal trína shuíomh gréasáin, rud a éascóidh an phróiseas iarratais go mór.

Tá ról comhairliúcháin ag An tOireachtas i reáchtáil na scéime. Tabharfaidh siad tacaíocht, comhairle agus cúnamh do choistí pobail ar suim leo iarratas a dhéanamh.

“Tá tábhacht agus fiúntas ar leith le forbairt na gclubanna siúlóide, reatha, cócaireachta agus go leor sainspéiseanna eile timpeall na tíre,” arsa Liam Ó Maolaodha, Stiúrthóir an Oireachtais.

Glacfar le hiarratais suas go dtí meán lae ar an 1 Nollaig 2017 agus is féidir suas le £650/€800 a fháil le gníomhaíochtaí sainspéise a reáchtáil.

Tá tuilleadh eolais le fáil faoin scéim Grúpaí le Gaeilge anseo.

Fada Grúpaí le Gaeilge

Advertisements

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach /  Athrú )

Pictiúr Google

Is le do chuntas Google atá tú ag freagairt. Logáil Amach /  Athrú )

Peictiúr Twitter

Is le do chuntas Twitter atá tú ag freagairt. Logáil Amach /  Athrú )

Pictiúr Facebook

Is le do chuntas Facebook atá tú ag freagairt. Logáil Amach /  Athrú )

Ceangal le %s