Gaeilge ar bhusanna Dhoire

Tá Translink ag smaoineamh ar chomharthaí dátheangacha, Gaeilge agus Béarla, a chur ar bhusanna i nDoire agus ba mhaith leo tuairim an phobail a chluinstin.

Chuirfí téacs Gaeilge ar na scáileáin ar thosach busanna a chuireann in iúl cad é an ceann scríbe.

Is ar bhusbhealach an tSléibhe Mhóir, FY12, a bheadh na comharthaí le feiceáil dá gcuirfí an scéim i bhfeidhm. Is í an tseirbhís is gnóthaí agus is mó úsáide sa chathair í. Bíonn sé nó seacht de bhusanna ag imeacht ó Shráid an Fheabhail gach uair an chloig Luan go hAoine.

Tá tugtha le fios ag 14% de dhaonra Dhoire go bhfuil Gaeilge acu. Tá trí bhunscoil Ghaeilge sa chathair agus tá dhá cheann acu – Gaelscoil na Daróige agus Bunscoil Cholm Cille – suite taobh istigh d’achar 10 mbomaite siúil ó stadanna bus ar bhealach FY12, cé nach bhfuil siad ar an bhealach sin féin.

Tá Translink ag moladh an scéim a chur i bhfeidhm ar bhonn píolótach agus deir siad, “Má éiríonn léi, d’fhéadfadh sé go leathnófaí an scéim chun busbhealaí eile sa chathair.”

De réir an eolais ar shuíomh an chomhlachta iompair, “Déanfaidh an tionscnamh seo ceiliúradh ar oidhreacht na logainmneacha traidisiúnta sa chathair.”

Is geall le filíocht liosta na gceantar eile atá ar bhusbhealach an tSléibhe Mhóir. Rianaíonn siad stair mhuintir na háite agus gnéithe den tírdhreach: Pennyburn, Bóthar an Ráschúrsa, Seantalamh, Gort na mBláth, Aileach Mór, Baile na gCailleach, Bóthar na Móna, Sliabh Mór agus Cnoc an Chairn.

Tá comharthaí dátheangacha Gaeilge agus Béarla in úsáid ag Translink in iarthar Bhéal Feirste ar bhusanna cheana féin, a théann go háiteanna mar an Poll Glas, Lag Mór agus Sruthán an Bhantiarna.

Tá eolas i nGaeilge ar stadanna bus ar Bhóthar na bhFál fosta, mar shampla taobh amuigh d’Ardscoil Naomh Doimnic, trasna an bhóthair ó Ospidéal Victeoiria Ríoga.

Tá bileoga sábháilteachta curtha ar fáil ag Translink do dhaltaí scoileanna Gaeilge, agus tá Gaeilge le feiceáil ar Lána Bus Meitreo 10, dar leis an eolas ar shuíomh an eagrais.

Ní ghlacann sé ach cúpla bomaite an suirbhé faoi chomharthaí dátheangacha ar bhusanna Dhoire a líonadh, ach beidh níos mó ama de dhíth ar an té ar mian leis nó léi tuairimí agus fáthanna lena f(h)reagraí a scríobh.

Is féidir páirt a ghlacadh i gcomhairliúchán poiblí Translink suas go dtí an 26ú Bealtaine. Tá tuilleadh eolais le fáil anseo.

 

Advertisements

Aon tuairim amháin ar “Gaeilge ar bhusanna Dhoire

  1. Ba mhaith liom comharthai datheangacha (gaeilge agus bearla) a fheiceail i nDoire mar ta fas is fobairt ag tarlu sa ghaeilge sa chathair agus beidh se ina chuidiu mhor don fhas seo.

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s